అమెరికా అధ్యక్ష ఎన్నికల్లో విజయం సాధించిన జో బైడెన్.. తొలి యుద్ధం కొవిడ్ పైనేనని స్పష్టం చేశారు. కరోనా వైరస్ కట్టడికి అన్ని చర్యలు తీసుకుంటామని విజయోత్సవ ప్రసంగంలో తెలిపారు. ఇందుకోసం సోమవారం ప్రత్యేక టాస్క్ఫోర్స్ను ప్రకటించనున్నట్లు వెల్లడించారు. ఈ ప్రత్యేక టాస్క్ఫోర్స్కు ఉపాధ్యక్షుడిగా భారతీయ అమెరికన్ ఫిజీషియన్ డాక్టర్ వివేక్ మూర్తిని నియమించే అవకాశాలు కనిపిస్తున్నాయి.
కర్ణాటకకు చెందిన వివేక్ మూర్తి (43)ని 2014లో అప్పటి అధ్యక్షుడు బరాక్ ఒబామా.. అమెరికా 19వ సర్జన్ జనరల్గా నియమించారు. బ్రిటన్లో జన్మించిన వివేక్ మూర్తి 37 ఏళ్ల వయస్సులోనే ఆ బాధ్యతలను చేపట్టారు. ట్రంప్ పాలనా సమయంలో వివేక్ మూర్తి ఆ స్థానం నుంచి తప్పుకోవాల్సి వచ్చింది.
ఎన్నికల్లో గెలిచిన తర్వాత విజయోత్సవ ప్రసంగంలో జో బైడెన్.. కరోనాను కట్టడి చేసే శాస్త్రవేత్తలు, సలహాదారుల బృందాన్ని సోమవారం ప్రకటించనున్నట్లు తెలిపారు. అయితే ఈ బృందానికి సారథిగా ఎవిరిని నియమిస్తారనేది మాత్రం వెల్లడించలేదు.
అయితే ప్రముఖ వార్తా పత్రిక వాషిగ్టన్ పోస్ట్.. ఈ టాస్క్ ఫోర్స్కు వివేక్ మూర్తి సహా మాజీ ఫుడ్ అండ్ డ్రగ్ అడ్మినిస్ట్రేషన్ కమిషనర్ డేవిడ్ కెస్లేర్లు ఉపాధ్యక్షులుగా నియమితులయ్యే అవకాశముందని ప్రచురించింది.
ఇదీ చూడండి:'ట్రంప్తో శత్రుత్వం లేదు.. అందరితో కలసి పనిచేస్తాం'
